奇蹟少女鄒梓嫻和芭蕾舞少年許嘉俊，獲賽馬會頒發獎學金。何柏佳攝
【本報訊】被車撞到飛起，全身幾乎粉碎，尚餘一絲氣息。醫生說她沒救了，但她昏迷三天後醒過來。準備要切去左手和雙腿，幾次手術後毋須截肢。以為餘生要用輪椅代步，雙腳突然郁動，她再次又走又跑。她是由深圳來港讀書的鄒梓嫻－在死神之手掙脫的奇蹟少女。
記者：倪清江
現年19歲的鄒梓嫻（ Cathy）在香港教育學院修讀全球及環境研究學士課程一年級，今日獲賽馬會頒發獎學金，是今年29名得獎學生之一，三年內共可獲得29萬元。
Cathy的奇蹟要從02年車禍說起，當時父親載着一家四口失控翻車，清醒的她爬出車找媽媽時在公路上暈倒，被一輛車撞到凌空拋起，全身骨碎，鮮血淋漓，車內父親、拋出車外的母親和弟弟均受輕傷。不幸之後，奇蹟接踵在 Cathy身上出現。
「入院時醫生同爸爸講：你個女醒唔番，可能會死，又可能會係植物人。但係昏迷咗三日，我醒咗，都幾清醒。」
做20次下顎復修手術
鄒梓嫻童年時曾到澳洲做環保義工。受訪者提供圖片
「醫生話可能要截斷雙腿同埋左手臂。爸爸叫醫生做吓手術啦，做咗好多次大手術之後，醫生話唔使截肢啦。」
「但係醫生話，腳趾有條神經，如果斷咗腳趾就唔可以郁，唔可以企番起身。醫生開刀搵條神經，搵唔到，佢同我講嘢嘅時候，我腳趾就郁咗。」
「醫生話我唔可以跑，唔可以跳，但係我之後又可以跑，又可以跳喎！」
Cathy說得輕鬆，她了解到自己並非最不幸：「我住過整容科，但係我冇整過容。啲病友全身燒晒，冇鼻冇耳，唔行得出去見人，我係整容科入面最完整嘅人。」
出事後每年暑假，她都要入院做下顎復修手術，做了20次，最後一次是前年讀高中三年級上學期，那時正準備內地高考，迫不得已做手術：「醫生話我真係唔補嘅話，成塊面都會冧落嚟……要切咗盆骨一塊骨，填喺面度。」她留院一個月，再在家中休養兩個月，三個月無法讀書。
她在前年11月底復課，獲老師補習，忍着痛楚備戰高考。她去年在全廣東省28萬名高考文科考生中，名列第700多名，父母想她在較近的大學修讀，她因而放棄廈門大學和中山大學，選擇來港入讀大埔的香港教育學院。
Cathy打算畢業之後留在香港，加入非牟利組織或從事環境規劃工作。
沒有留言:
張貼留言