「政治觸覺遲鈍 唔係共產黨員」
倪匡：梁蠢到拆穿習謊言
倪匡趁書展推出新書受訪，暢談時事，嘲梁振英「洩漏國家機密」。黃文邦攝
【本報訊】「梁振英真係唔係共產黨員」，作家倪匡斷然否定多年的傳言，只因梁「政治觸覺太遲鈍」，早前於國家主席習近平前「洩漏國家機密」，拍馬屁指香港5年來成績只因獲「習主席指點同領導」，變相拆穿港人治港謊言。倪匡亦批評強推國教終將失敗收場。
記者：翁煜雄
特首選舉如倪匡早前所說「無懸念」，林鄭月娥大熱當選。他接受專訪時稱「任何人嚟做特首都一樣，你都係聽上面話。林鄭係公務員，選佢嚟做，因為你聽話吖嘛」。林鄭會否為港人爭取利益？他秒答：「除非嗰啲嘢係中央同意嘅。」
對現任特首無興趣多談，倪卻主動談起梁振英6月29日陪習近平向本港官員講話，「佢講過去5年香港所有嘅成績，都得到習主席指點同領導。習主席嘅面幾黑呀，哈哈。你即係穿我煲啫，我話港人治港，你話係我領導」。
「維園改叫愛國公園都冇用」
習近平（左）訪港，梁振英擬與習握手，但習卻別過臉。無綫電視畫面
電視當日也有直播，梁發言後走向習近平，伸手準備握手，習卻別過臉去，「習主席最後唔同佢握手，梁振英伸隻手出嚟幾尷尬呀，哈哈！好似當年趙紫陽被貶落嚟，就係佢同戈爾巴喬夫（前蘇聯領導人）講：『我哋國家大事，鄧小平雖然唔話事，但係我哋乜都要請示佢㗎。』話明港人治港，你點可以洩漏習主席領導嘅大秘密呢」。再加上梁氏夫婦被趕出飛機及以往行為，他認為「梁振英真係唔係共產黨員，政治觸覺太遲鈍喇。如果佢係黨員，佢係一個唔合格嘅黨員」。
習近平亦將推愛國教育重任交予林鄭月娥，但倪匡斷言終將失敗收場。「香港有人講至少有50萬黨員，但唔公開身份。我最唔明共產黨員，你咁偉大光明正確，點解喺香港要咁鬼頭鬼腦，要隱藏自己嘅身份？」他諷刺共產黨員如此隱隱蔽蔽又怎可成功令港人愛黨愛國。
對於去殖，他也嗤之以鼻，「例如𠵱家有間中學叫聖乜乜乜中學，係殖民地嘅名嚟吖嘛，你喺呢間中學讀，日日唱國歌：『起來』升旗，有鬼用？」不過，他說就算改掉名稱，也無濟於事，「維多利亞公園叫愛國公園，英皇道叫做共產黨道，都冇用。因為香港人幾十年嚟睇到你所有衰相」。
航母來港不去釣島「好滑稽」
他笑言最佩服中聯辦一女保安員，因據報一次中聯辦前示威活動中，「佢對丟抗議物品入嚟嘅抗議人士，大聲話『我怕你們呀？我是中國共產黨黨員，我怕你們呀？』得佢一個人承認！（舉起大拇指）真係威呀」。
中國第一艘航空母艦遼寧號早前訪港，駐港部隊指是讓港人上一課愛國主義教育，但倪匡說「我覺得好好笑，航空母艦係軍艦嚟，香港有仗打咩？釣魚島俾日本人佔咗，你駛去釣魚島附近，啲㗎佬仲唔走？嚟香港耀武揚威，你話滑唔滑稽？等於一個大隻佬對住自己老婆咁樣（作大力士狀），你有乜用箒，你要對住敵人吖嘛」。
http://hk.apple.nextmedia.com/news/art/20170717/20092102
「我鹹濕小說寫得好好」
豐林文化傳播的施陳麗珠（右）說，倪匡的舊短篇是由舊雜誌及互聯網等找回來。
【本報訊】1957年在港寫下首本小說《活埋》的作家倪匡筆耕數十載，八十有二之年已幾近休耕，但今年書展再有新書，其實是約半世紀前刊登於雜誌等的短篇小說，現結集成《倪匡寫奇情》及《倪匡寫武俠》，部份武俠小說曾刊登於成人雜誌《老爺車》，更投其所好為讀者加點鹽花，「鹹濕係人嘅生活咁重要嘅部份，點解唔可以寫？我鹹濕小說寫得好好㗎」。
倪匡為兩書自序，《寫奇情》序談好小說「要有奇特的情節」，《寫武俠》序則論英雄，為國為民的、婆媽為私情的、甚至「狗皮倒灶人皆唾罵的」都可成為武俠小說的英雄。「好佩服兩個主編（施仁毅、王錚）咁舊都搵到出嚟。」新書其實結集他廿多歲起刊登於不同報刊的短篇，「忘記登喺邊，當年寫咗太多」。《衛斯理》情節當然奇特，但倪也說「我覺得《衛斯理》都係武俠小說」，而倪的武俠小說也有奇情，就如《六指琴魔》便天馬行空。
《老爺車》刊香艷武俠作品
《寫武俠》的短篇多原載於《武俠與歷史》雜誌，但有兩篇卻載於《老爺車》，情節奇特帶點香艷，如男女高手過招時雙雙墮崖，掛在松樹枝上，鈎去女角半邊衣服，變得半裸，「哈哈，《老爺車》係鹹濕雜誌，話明要寫鹹濕武俠小說吖嘛」。
「小說係寫人嘅生活，鹹濕係人嘅生活咁重要嘅部份，點解唔可以寫箒？」倪匡說畢笑意更濃，「我鹹濕小說寫得好好㗎。我有一系列嘅《浪子高達》，好多後生仔睇咗當做啟蒙作品嚟睇」。
主編王錚憶述，部份短篇是無意中於馬來西亞看到的舊雜誌中找到；豐林文化傳播的施陳麗珠補充，部份透過互聯網等高價購回。倪匡說第一篇短篇小說始終找不到，「刊登喺《武俠與歷史》第1至10期之間，講幾個和尚搶一本武林秘笈」。
■記者翁煜雄
http://hk.apple.nextmedia.com/news/art/20170717/20092104
指港電視台當觀眾白癡
倪匡
【本報訊】82歲的倪匡每天睡13、14小時，最愛上網、煲內地劇，「聽講《我的前半生》好睇，都諗住睇吓。我睇大陸電視台，我咁反共嘅人，哈哈哈」，他坦言因早已不看無綫等本地電視台，「一個電視台做到自己係白癡唔緊要，但唔可以當觀眾係白癡，我做乜嘢要俾你當白癡箒」。
倪面色紅潤，但自言年邁，有不少小毛病，「致命嘅病反而冇，咁仲麻煩，哈哈」。閒時與契女施陳麗珠飲茶，「
沒有留言:
張貼留言