約3,000名市民昨上街要求陳茂波和梁振英下台，並促撤回新界東北發展計劃。何柏佳攝
【囤地醜聞】
【本 報訊】發展局局長陳茂波被揭在古洞北囤地自肥，連日解畫不惜褻瀆中大新亞校歌、背棄聖經教義，梁振英一直包庇。約3,000人昨上街怒斥陳、梁二人「蛇鼠 一窩」，促雙雙下台，立即撤回新界東北發展計劃。有示威者邊行邊踢膠波，寓意踢走陳茂波。有市民昨首次上街，不滿陳誠信破產仍厚顏無恥留低，「雖然好攰， 但希望聽日（今日）聽到佢講會辭職」。
記者：王家文 白琳
由劏房、酒駕到囤地，一年來醜聞不絕的陳茂波懶死不走，氣得黃太首次上 街，「一而再，再而三誠信破產，最慘佢仍堅持留喺度，完全唔係一個問責局長所為」。她最看不過眼，是陳「沒腰骨」，「明明買地對自己有利益，又係賴太太， 𠵱家高官乜嘢都推太太出嚟做擋箭牌」；還有新界東北發展不公義，「高球場咁大地方，點解唔用嚟起樓，要去搞村民？」
村民手持農作物抗議
民 陣和新界東北三區居民發起的遊行昨午3時許從銅鑼灣東角道出發。民陣稱約3,000人參與，警方指高𥧌期有2,100人。遊行人士沿途高呼：「狼英謬 波，蛇鼠一窩，貪官下台」；舉起橫額怒斥：「狼振英賣港求榮，出賣港人，賤人」。部份人手拿西瓜波或足球膠波，邊行邊踢走「陳謬波」。
陳 茂波連日來「唧牙膏」式回應囤地醜聞，激起更多不滿聲音。六代都住在古洞北的村民袁女士昨帶同8歲女兒上街，「我哋要保衞自己屋企，根本唔係要賠償」。她 批評，陳茂波囤地「早有預謀」，絕非為休閒，「一個荒地點樣休閒？曬都曬死你啦，佢哋咁有錢，要休閒都唔會嚟呢啲地方」。
遊行市民跟新界東北村民一起手持蕉葉、富貴竹或當造龍眼，同心守護東北。古洞村村民鍾曉晴也強調不要賠償，「有多多錢都好，你買唔番我哋個家嘅溫暖、三代嘅回憶」。
遊行隊伍到達政府總部後，市民齊將手上的氣球放氣，寓意「放棄」陳茂波；社民連則自製直徑約八呎的「超級大話波」，放在政總入口「任踢唔嬲」。十多名市民包括愛港之聲成員「踩場」，一度與遊行人士口角，要由警方分隔。
民陣召集人孔令瑜促陳茂波回應市民訴求，立即下台，若下月陳到新界東北會見村民，民陣會動員力撐村民。基督路小教會成員譚得志則計劃到教會恩福堂狙擊陳茂波，促他落台。
繼續龜縮做鍵盤戰士
昨參與遊行的公民黨主席余若薇批評，陳茂波「大話冚大話」，交代不清，梁振英又不斷迴避，「成個特區政府喺度沉淪緊」。立法會議員陳家洛指待立法會復會後，會商議引用權力及特權條例徹查陳的利益轇轕。
政府昨日回應遊行稱，陳茂波及相關人士已就古洞農地一事交代及澄清，陳已按機制申報利益。陳茂波則繼續做「鍵盤戰士」，在遊行前發表「局長隨筆」，但只談保護歷史建築，不敢面對新界東北發展及其囤地的爭議。
不配做新亞校友
麥 浩然（中大新亞書院學生會會長）：「陳茂波作為官員，最基本嘅誠信、承擔都做唔到。佢喺立法會咁莊嚴神聖嘅地方，用新亞創校先賢嘅說話掩飾自己嘅罪行，我 相信全香港市民都會覺得不滿。最近學生會收到校友查詢，問點解我哋稱呼佢做校友，因為佢根本唔配。作為佢嘅師妹，我勸佢回頭是岸，下台啦！如果佢真係咁尊 重新亞精神，應該記得學規第四條：『祛除小我功利計算』，亦應該記得新亞校訓『誠明』，而唔係淨係背佢唔識解嘅校歌。」
唔畀佢拆我屋企
陳 婆婆（古洞北村民）：「今次我第一次上街遊行，因為要拆我屋企，我唔出嚟唔得。阿女送咗個假髮畀我，好似戴住個波咁樣，就係要趕陳茂波落台。唔怪得要喺古 洞發展，因為佢幅地喺度嘛！我就住喺佢隔籬，住咗35年。（有冇見過佢？）咁多年佢都冇嚟過、冇度假，冇冇冇。佢塊地有人幫佢種嘢，有木瓜、芒果同龍眼， 係咪租畀人我就唔知，但有人打理。我唔要佢賠，不遷不拆，反對發展。陳茂波要落台，梁振英都要落台，梁振英揀人唯親呀！」
應懺悔道歉下台
陳 小姐（基督徒）：「陳茂波成日話自己係基督徒，仲喺立法會講聖經金句，我身為基督徒，一定要企出嚟，對佢表示不信任。佢話用基督徒嘅心做事，行公義、好憐 憫，但係囤地、劏房一啲都唔公義，剝削貧苦大眾，賺盡佢哋嘅錢。由佢上任俾人踢爆搞劏房，就牽涉利益衝突，已經唔應該再做局長。呢一年我盡小市民責任企出 來遊行，多一個人上街，就多一個聲音話佢知佢好唔掂。陳茂波，如果你仲係自稱基督徒，唔該你認罪懺悔，向公眾道歉，盡快下台。」
http://hk.apple.nextmedia.com/news/art/20130729/18353910
各界梁粉厚顏死撐囤地波
社民連自製直徑達八呎的「超級大話波」，寓意要將陳茂波踢落台。
【本 報訊】發展局局長陳茂波昨獲「梁粉」和建制派議員力撐，曾幫梁振英撰寫環保政綱的前天文台台長林超英在網誌稱，將「她（陳太許步明）擁有的土地（古洞農 地）等同陳先生的產業更是重大的錯誤，是對女性的侮辱」。食衞局局長高永文昨日表示，陳茂波已按照申報機制的要求作出申報。
林超英的網誌先強調自己和陳茂波無私交，指許步明與陳組成家庭，「兩人是平等地活在世上的，不能說誰是誰的奴隸」，事件中許被貶為丈夫的附屬品，「她擁有的都歸入陳先生的賬目，在這個基礎上，陳先生被編織各種各樣的『罪名』」；他認為是重大的錯誤，是對女性的侮辱。
稱事件不涉貪贓枉法
立法會議員毛孟靜不同意，指事件無關男尊女卑問題，而是陳身負公職，負責涉及巨額賠償的土地發展項目，牽涉很多公帑和公眾利益，需考慮公眾觀感。
立法會議員陳健波昨日稱，事件明顯不涉及貪贓枉法，又要求質疑者拿出真憑實據。
律政司司長袁國強就有人向廉署舉報陳茂波一事，強調無論是否政府人員，都會公平公正，根據現有的法律和檢控的政策去處理事件。
沒有留言:
張貼留言