嫁畀警察一年….警嫂：佢諗嘢好恐怖

嫁畀警察一年….
警嫂：佢諗嘢好恐怖

電視見到警察濫暴，已經夠恐怖。如果，老公是警察呢？每日瞓喺你隔籬，難以想像。

警嫂Pi (化名)是一個前線警員的太太，她對我直言「直至呢場運動出現，我先發覺呢個人諗嘢係咁恐怖...」

令Pi對住老公第一次心寒，發生於7.21。當時他們一齊睇直播「西鐵上市民被無差別襲擊，我由佢口中聽到嘅係「打得好」......對於警署落閘，老公話「啱啊，換著我都會落閘」，Pi聽後「我真係心都寒埋」。

Pi說6月之後，看著老公的轉變，他開始由「示威者」改口叫「暴徒」，最近叫「曱甴」，更形容為「恐怖分子」，Pi就知道「佢已經變咗...」

「我希望可以感化佢，帶佢走出仇恨示威者嘅心態」Pi說，她在返工前，她都會同老公說「唔使咁搏命，果啲小朋友嚟，做嘢時輕手啲」，卻換來老公的咒罵，「佢(老公)話我唔支持佢，唔似其他警嫂一樣支持佢哋老公做嘢。」不但這樣，老公更表露極權心態，「無論我做咩，你都要無條件支持我！我只需要一個支持我嘅女人！」

Pi與他結婚只短短一年多，有個未夠兩歲小朋友。記得有一次，「佢(老公)要幾個月大嘅BB坐定定，叫極唔聽，於是開始打佢手仔，我話唔好打，然後佢話：「痛楚可以令人屈服。」，她現在回想，「解釋到點解而家警隊嘅「執法」手段」。

Pi以前都知道兩個人政見不同，本來以為「唔講政治就冇事」，卻因為這場運動，她徹底看清身邊那個人，老公甚至受同僚影響，最近提出離婚，「同事教佢同我離婚爭小朋友」。

不過，Pi不留戀「我唔驚做單親媽媽，我係可憐我兩歲B要同我一齊承擔」她很勇敢說，「就算有一日分開，我唔會後悔，我希望我嘅小朋友可以活得自由自在，而唔係活在恐懼同強權之下」。

這段時間，Pi有遊行有集會，暗地裡支持這場運動。她想向年輕人道歉，「我都好想衝啊，不過我知道如果我受傷或被捕，就無人照顧我小朋友，好對唔住，我覺得自己好自私」，作為一個媽媽，「我只可以幫手做和理非，遊行企出嚟發聲」。

*獲當時人授權公開以上內容

**絕非為警察家庭洗白，只是想認清有些家庭成員都生活在警察的威權底下，苦不堪言

***圖中女士非當時人😭😭😭😱😱😱😨😨😰😥😓😱😖

IG = kaminghk