【加盟商斥偷工減料】■荃灣加盟店老闆Grace開業一個月即決定另找投資者頂手，蝕50萬元離場。許頌明攝
【本 報訊】新移民青年麥泳豪及張超去年在無綫節目《我要做老闆》贏出，創立豆花妹撈米線，一年間以特許經營模式狂開九間分店。《蘋果》調查發現麥、張因管理不 善至今欠債70多萬元，旗下分店加盟商紛紛結業離場。兩人為求填數，聯同中介公司誘使加盟商再注資，聲稱擬偽造單據「造數」上市。有律師指有關行為涉串謀 詐騙及教唆偽造賬目，建議報警。
記者：梁御和
新世紀代表郭浚庭（左）稱計劃將豆花妹上市，誘使加盟商注資100萬元救亡，旁為豆花妹創辦人麥泳豪。
現年20多歲的張超及麥泳豪去年憑勝出節目後獲贈的20萬元起動基金，去年3月在深水埗欽州街開舖。4個月後，兩人聯同中介公司新世紀創業顧問，以特許經營模式招攬投資者加盟開舖，一年間擴展至九間分店；又在葵涌開設食物工場，向加盟商一條龍供應食材，前後投資逾百萬元。
自稱經營不善 欠債70萬
豆花妹主打將豆腐花混合醬料及米線，屬雲南小食。
加 盟商馮先生去年9月在尖沙嘴開店，除繳付14萬元加盟費外，合約也規定只可向豆花妹工場訂購食材。馮稱對方口頭承諾食材售價只佔營運成本三成半，盤算後認 為有利可圖。開業後生意雖然不俗，一個月後卻倒蝕3萬元，「睇番清楚盤數，原來食材來貨價比佢哋所講貴好多，我哋食物賣價已經調高咗，但冇賺多之餘，成本 仲要佔四成半，追問下佢先話承諾嗰三成半淨係指米線，唔包小食同醬料，又話其他舖都賺大錢，營運冇問題」。
今年5月，馮仍持續月蝕數萬 元，故決定違約改賣其他串燒小食，反而首次錄得2萬元利潤，但因累積虧損50多萬元，決定結業。他接觸了元朗、荃灣及西灣河其他加盟商，發現眾人也遇上同 樣情況。其中荃灣及天水圍的加盟商分別在今年中結業或找人頂手離場；元朗店更索性拆走豆花妹招牌，改營其他小食生意。
馮之後再接到新世紀來電，指豆花妹急需資金周轉，游說馮入股投資，記者以拍檔身份偕同馮出席商談。見面期間，老闆之一的麥泳豪坦言經營不善，欠下銀行及貨商逾70萬債務，又稱「7月冇問題（維持經營），8月就唔知喇」。
新 世紀代表郭浚庭在旁吹噓，游說馮注資100萬元購入豆花妹49%股份，揚言正計劃將豆花妹上市，指「全線集團每個月要做416萬數，或者打單、係打單，打 多416萬」，便可「砌靚盤數」上市，「?家講緊一隻殼最新成交價係3億3（創業板），如果我哋砌夠2億上去，一上去就炒高50%」。
眼 見記者面露疑惑，他進一步稱已問過「數佬」，「佢幫我哋諗掂」，指現時分店每月營業額逾10萬，只需開夠20間分店，再每間推高營業額至20萬元，「自己 打單入數、攞番屋企食自己搞掂佢啦，咁我哋已經夠數（上市）……到時呢一枱嘅人就係上市公司嘅board（董事會）！」
大律師陸偉雄指，上述行為已構成串謀詐騙，「即係佢計劃做犯法行為，想搵埋其他人入局，有意圖已經構成（罪行）」。他建議交警方調查，以免有其他市民受害。
律師黃國桐指，上述說法已涉及串謀及教唆偽造賬目，至於能否被定罪，就要視乎當事人提出計劃時的詳細程度。
「我講嘅嘢就係冇證冇據」
記 者事後表露身份致電麥泳豪，詢問豆花妹是否將結業。他詫異地稱：「你聽邊個講，好好笑」，又指公司財政穩健，不會結業。但當記者提出當日見面細節，他則改 口承認有找投資者，稱「做生意有好多唔同嘅講法……我哋講嘅嘢就係冇證冇據嘅，即係我講啲嘢唔代表我公司講嘅嘢，明唔明？」新世紀代表郭浚庭回應指「未聽 過」豆花妹周轉有問題；拒絕回應有否教唆其他投資者造數上市。
http://hk.apple.nextmedia.com/news/art/20150710/19215044
勝出《我要做老闆》走紅
【本報訊】TVB節目《我要做老闆》去年首播，邀請欲創業的參加者提交計劃書，在節目上向嘉賓及評審推銷。麥泳豪及張超因勝出節目（圖）迅速走紅，並獲森美、王貽興及江美儀等藝人熱捧，名人效應下，開業初期兩人曾指最高峯可日賣1,200碗米線。
名人效應後生意跌
豆花撈米線屬雲南小食，主打將米線混合豆腐花、雲南醬料及花椒等，令口感更滑更惹味。麥、張兩人為新移民、來港後在公屋長大，聲稱中五畢業後曾放棄廚房工作，到雲南學藝後再回港參加電視台節目，成功實踐創業夢，勵志經歷引起社會熱話。
開業後，兩人以「平價的野心」作主打，每碗米線只售15至20元，並獲藝人江美儀為新店剪綵，吸引傳媒爭相採訪。名人效應過去，米線店的生意隨之下滑，兩人再開設食物工場，改以特許經營模式開分店擴張，終因經營不善欠債，也令加盟商損失慘重。
餐 飲聯業協會會長黃家和表示，特許經營加盟商在選購食材及販賣食物時的價格，均受制於合約條款，局限比較大；而各種成本開支例如食材、人工及租金等變化卻很 大，但總店一般不會在合約上訂明，「（總店）通常只會畀一個假設嘅成本預算，冇法律效力，加盟前要考慮冒唔冒呢個風險」。
■記者梁御和
http://hk.apple.nextmedia.com/news/art/20150710/19215038
24隻皮蛋索價1,728元
有加盟商放棄豆花妹招牌，改賣其他小食，反而有2萬元盈利，但仍決定結業。
【本報訊】麥泳豪及張超的創業夢，令多個加盟商各虧損數以十萬計，紛紛結業離場，直斥兩人無良；除指控食材成本與最初承諾不符，供貨時也經常偷工減料、賬目混亂。
今年5月加盟豆花妹的Grace，坦言原是豆花撈米線的「粉絲」，「睇電視見到佢哋，覺得好有膽色，信得過」。眼見該店生意不俗，便向家人籌集70多萬元開舖，「事後先知佢哋公司嚴重虧蝕，仲不斷搵新加盟商，知唔知害咗幾多家庭、幾多員工？真係好無良」。
多間店舖蝕錢離場
工場向加盟商索價1,728元的24隻皮蛋，部份又霉又爛。
她 指，加盟後除了發現食材價格與原本承諾貴外，賬單也極混亂，試過訂24隻皮蛋，對方卻胡亂索價1,728元，「仲有好多都係霉嘅、爛嘅，根本唔可以畀人 食」。她自行到街市購買同一批食材比較，「一包肉醬我哋親自整嘅成本係20蚊，佢（豆花妹）賣畀我哋收65蚊，簡直斂財」。最終她在上月找其他人頂讓，連 同加盟費、裝修及設備等虧蝕50萬元離場，「臨走前我同新加盟商講過，佢預咗豆花妹唔掂，隨時轉營其他小食生意」。
另一加盟商阿敬去年10月接手元朗加盟店，同樣因食材成本不符，即使每日賣逾百碗米線，每月仍淨蝕逾萬元。直至他們察覺食材有問題，以電子磅檢查，「一包醬寫明2,000克，磅完先知得1,200克」。上月阿敬索性除下豆花妹的招牌，改為經營其他小食。
西 灣河加盟商今年4至5月開舖，近日認識其他加盟商，才驚覺唯獨他的食材來貨價，較其他加盟商再貴多一成，「佢同我講係劃一價錢，事實係海鮮價」。此外，每 月他也要多繳5,000元月費及2,000元宣傳費，「宣傳咗啲乜？喺佢facebook出個post囉」。現時他計劃將舖位改經營其他小食。
麥泳豪稱，合約沒訂明食材價格及是否劃一收費，不排除是人為錯誤令食材「少咗」，「你知我哋唔係一間耐嘅公司，只係一間新公司，由兩個青年人創嘅公司……一定有少少偏差，咁我哋都有跟進」。
■記者梁御和
沒有留言:
張貼留言