空姐Amy花3萬元戴透明牙箍矯齒，卻令8隻牙齒永久磨損。李家皓攝
【本 報訊】透明牙箍風潮席捲全港，待嫁空姐婚前矯齒，卻遇上無牌牙醫，8隻牙齒遭永久磨損，牙罅闊過梳子，進食困難，被迫茹素。涉事的Clear Braces（透齒亮）否認指控，稱該無牌牙醫只是從旁協助，沒有為事主進行任何療程。牙醫管理委員會已把無牌牙醫執業事件交警方跟進。
記者：張嘉雯 林偉聰
樣 子標致的Amy現年28歲，因牙齒咬合問題，中學時曾箍牙，後來因沒有妥善佩戴固定器，下排牙齒再次內陷，因準備結婚，今年4月光顧新開張的牙科中心 Clear Braces（透齒亮）再進行矯齒，未見醫生便付了全費近3萬元，「另一個牌子Invisalign（隱適美），最平都要4萬蚊，空姐有折扣都要 36,000蚊，透齒亮話係英國引入，覺得都信得過」。
建議上下顎磨16隻
5 月初，Amy首次見「醫生」，「入到間房，有個鬼婆女醫生着醫生袍、戴口罩，坐喺病人床旁邊，個護士介紹佢係Dr. Sahira，旁邊個男醫生係Dr. Lee」。Sahira為她檢查牙齒，以英語詢問病歷，建議她磨細上下顎合共16隻牙齒，以預留位置箍牙。Amy指曾反對磨牙，指早年箍牙時已脫掉4隻恒 齒，加上去年再脫去4隻智慧齒，應有足夠位置，但Sahira堅持要磨牙。
Amy稱Sahira此時轉身向男醫生說：「李醫生，她只需要非常細小的齒隙，Ok？你明白嗎？」當時男醫生回答：「是。」Sahira其後撰寫病歷。
7 月初Amy到診所磨牙，Sahira不在場，「係個男醫生做，但佢完全冇睇過我啲牙，只係睇住女醫生寫嗰份病歷就開始磨，磨到一半突然停咗唞大氣，又發 呆，磨完上顎8隻牙之後又話時間唔夠，下次再磨」。她形容男醫生「雞手鴨腳」，「倒牙模倒到我成塊面都係膠，以前都未試過」。
牙隙勁闊吃肉流血
磨牙後，Amy進食冰冷食物時牙痛如受電擊，「我即刻上網搵資料，原來琺瑯質冇咗，唔會生番，唔知磨牙會咁damage（傷害）我啲牙，佢（醫生）應該同我講，等我有選擇」。她說兩名醫生也無解釋磨牙或致琺瑯質永久流失。
Amy隨即到診所要求解釋，獲允退回全部款項，當時才發現診所內只有男醫生李暢庭的牙醫執照，「我問佢（李暢庭），Sahira係咪香港註冊牙醫，佢答咗我兩次『係』，仲話Sahira係『箍牙專科』」。
現時Amy上排牙齒間留下多條空隙如梳子般闊，每次食肉類都不停流牙血，上顎可能要植牙，「手尾」很長。
不 少顧客有同樣經歷，在網上表示先由Sahira檢查和診斷，再由李暢庭治療。透齒亮負責人黃經理回應本報時稱，Sahira Raful是多明尼加共和國的矯齒科牙醫，並非本港註冊醫生，只擔任牙醫顧問，「你可以問返佢（Amy）exactly我哋個女顧問有冇做任何 treatment（療程），佢都可以話畀你聽冇，佢有懷疑，可以向牙醫協會或其他地方告我哋」。
牙醫學會副會長王志偉說，法例訂明只有 註冊西醫及牙醫可以自稱「醫生（doctor）」，「當你知道人哋咁介紹你，你要澄清，如果唔否認，即係自己話自己係囉，已經係犯法」。他指檢查牙齒、倒 牙模、診斷是牙醫專屬範疇，「如果佢無牌，幫人做檢查已有問題，仲同佢做過牙模，實唔得」。
投訴後由警方跟進
Amy追查後發現，Sahira無在港註冊，8月中向牙醫委員會投訴Sahira無牌行醫，獲覆事件交警方跟進。而替事主磨牙的李暢庭雖有註冊，但也可能犯法，王志偉說：「如果一個註冊牙醫，畀一個唔係醫生嘅人喺佢診所執業，咁即係掩飾佢，一樣係唔得。」
http://hk.apple.nextmedia.com/news/art/20130901/18404164
?模董事 聲稱產品由英引入
透齒亮常務董事是?模謝雅櫻。互聯網
【背景神秘】
標榜產品在英國實驗室一站式生產的透齒亮，從未披露英國總公司地址及其廠房資料，令人質疑其產品的真實產地；而聲稱由英國引入此牙箍品牌的「常務董事」謝雅櫻，是曾參加騎呢司儀比賽的?模。
本報查冊發現，透齒亮今年3月才在英國開設一家業務不明的公司，而持有香港公司股份及商標的都是海外公司，背景神秘。本報多次查詢，透齒亮也不肯說明英國總公司及廠房資料。
透 齒亮在港的註冊商標由海外公司Clear Braces（Asia）Inc.持有，但Amy獲得的賠償支票是由CB Dental Clinic發出，這公司今年1月透過香港的秘書公司成立，董事分別是牙醫李暢庭及簽支票的陳釗豪，陳釗豪佔0.1%股份，餘下股份由海外公司 Shinny Pearl持有。
廣告無提及生產資料
透齒亮稱其英國總公司在08年成立，產品亦由英國實驗室生產，但所有宣傳資料均無提及總公司及廠房的資料，Amy對其產品的產地十分懷疑。
記者在英國的公司註冊處查冊，發現一間名為Clear Braces Limited的公司於今年3月成立，申報地址是威爾斯卡迪夫的一家秘書公司，無申報業務性質，唯一股東及董事是港人Tong Yiu San，申報地址是沙田翠湖花園一單位。
陳釗豪開設的另一公司「美琪產品貿易」，有一位股東唐漪鎂報住地址是同一單位，相信Clear Braces Limited就是透齒亮在英開設的公司。
《蘋果》記者
http://hk.apple.nextmedia.com/news/art/20130901/18404166
透明牙箍 難取代傳統金屬線
透明牙箍熱潮近年興起，吸引不少人付數萬元矯齒。互聯網
【專家之言】
透明牙箍引入香港超過10年，近年因有名人代言而流行，其中兩大美國品牌隱適美（Invisalign）及3M較為人熟悉。今次涉及無牌行醫事件的透齒亮（Clear Braces）以「每日只需＄37」平價作招徠，近半年迅速冒起。
牙醫表示，透明牙箍不能完全取代傳統牙釘加金屬線，「唔係個個人都啱用，夾硬用個效果未必靚」。
香港牙醫學會副會長王志偉指，透明牙箍並非新技術，內地製造的成本低廉，「其實最主要係個software（軟件），做牙套出嚟，逐少逐少咁郁啲牙」。
須磨走0.5毫米琺瑯質
用透明牙箍較美觀，也較傳統的箍牙技術少不適及痛楚，但卻非萬能，「唔能夠完全代替傳統箍牙，唔係人人都啱用，主流仲係傳統（牙釘加金屬線）嗰隻，但因為廣告效力大，好多人都要求用，不過牙醫想做得靚啲，最後都會用金屬線執手尾」。
使用透明牙箍矯齒，王說醫生多建議病人磨牙而非脫牙才戴上牙箍，「因為剝一隻牙有成7毫米，好遠，你要啲牙郁咁多唔係咁易，用透明牙箍直情戴唔到，磨牙易好多，每隻磨0.5毫米」。
王又指，牙齒最表面的琺瑯質約厚1毫米至1.5毫米，一般磨牙只磨0.25毫米至0.5毫米，「要留番足夠嘅琺瑯質，磨太多，露出象牙質會敏感、易蛀牙，琺瑯質冇咗唔會生番出嚟，磨三分一已經好盡」。
《蘋果》記者
沒有留言:
張貼留言