稱邵逸夫欠劉家良電影分紅 靈堂追數 翁靜晶：人窮思舊債

http://hk.apple.nextmedia.com/entertainment/first/20130725/18347802

一代宗師劉家良昨日在世界殯儀館出殯，遺孀翁靜晶在靈堂上代為追債，指邵氐欠先夫分紅。
 

【劉家良病逝之宗師上路】享年75歲的一代宗師劉家良昨日在紅磡出殯，遺孀翁靜晶在靈堂上宣佈成立劉家良慈善基金，率先捐出100萬的同時，忽然追收邵氏 陳年電影分紅。自言「人窮思舊債」的翁靜晶，形容此舉是向邵逸夫募捐，希望他可以起帶頭作用，而非揼心口。

 已105歲的邵逸夫自前年與方逸華外出後，未見公開露面。資料圖片

 

一代宗師劉家良與癌魔抗戰十多年，上月25日因骨髓功能退化致併發症而病逝，享年75歲，昨日在紅磡世界殯儀館以佛教儀式舉殯，一身素服的劉家良遺孀翁靜 晶與女兒，以及劉師傅的徒弟、徒孫一早到場打點，劉家良前妻何秀霞則未有出現，只由兒子劉永強代表出席。9時過後，王羽、治喪委員會主席陳百祥、黃杏秀、 曾志偉、錢嘉樂夫婦及有份扶靈的日本武打藝人倉田保昭、財政司司長曾俊華等先後到場，前日設靈時未有現身的志偉，到場後即慰問翁靜晶。

http://hk.apple.nextmedia.com/entertainment/art/20130725/18347804 

翁靜晶一早到場打點

 

 劉師傅的兒女分別捧着亡父的靈位及遺照。

「冇5,000萬都有500萬」

11時半，翁靜晶上台致悼辭，即場宣佈成立劉家良慈善基金，率先捐出100萬，幫助龍虎武師及電影業界有需要的人，更披露了一個隱藏多年、關於邵逸夫爵士 與劉師傅的秘密：「咁多年嚟，師傅受咗乜嘢委屈、唔公平，佢都唔計較，亦都唔同人計。我識佢三十年，佢幫邵氏拍過好多電影，師傅嘅演藝生命喺07年畫上句 號，其實佢拍《南北少林》嗰陣，已經差啲畫上句號，多得麥嘉幫手，所以麥嘉係師傅嘅恩人。師傅同邵氏拍每部戲都有簽合同，寫明會有香港同國際花紅，但呢三 十年來，師傅都冇收過，相信邵逸夫爵士好仁慈、幫我哋儲起咗、拎去投資。相信呢筆錢，𠵱家冇5,000萬，都有500萬！」在座有親友即以掌聲附和。

翁靜晶自言說這番話要有很大勇氣，全靠在座的子女支持，她再補充：「希望邵爵士聽到呢番話，你唔會蝕，你可以將師傅嘅電影包裝一次，再賣錢。」致辭完畢， 工作人員抬出劉師傅靈柩到前堂，由三隻孝獅在棺前行三跪九叩禮後，各親友先後上前瞻仰遺容，最後翁靜晶上前瞻仰亡夫最後一眼，她雙手合十作三鞠躬禮後輕撫 遺體後，忍不住失聲痛哭。之後翁靜晶跟劉師傅的子女手持一炷清香跪在棺前，由法師誦經二十分鐘後蓋棺。以曾俊華為首的八人扶靈團將靈柩扶上車，劉師傅的子 女則為亡父捧着遺照及靈位。靈車離開時，劉師傅入室弟子冼國林率領鄭少秋及陳嘉桓等捧住印有劉字的大旗，跟三隻孝獅一起開路，繞着殯儀館一周，靈柩運往義 莊停放，火化日期則待堪輿學家蔡伯勵擇日。 

麥嘉及曾俊華等扶靈，送劉師傅最後一程。

劉師傅的徒弟徒孫舞孝獅，聲勢浩大。

 

 劉師傅一班徒弟徒孫持旗，為靈車開路。

望邵逸夫帶頭做善長

儀式完畢，眾人於黃埔擺解穢酒，翁靜晶表示追花紅是師傅心中一件未了事：「希望借機會了咗呢個願，啲錢唔係畀我，希望邵逸夫先生帶頭做第一個善長。」她續 指王羽是過來人：「師傅對法律認識唔多，睇到份約會有一個好靚憧憬，不過望到得唔到，可能有人計漏睇漏，希望今次講完人哋會記得。」會否進行法律追討？她 表示目前不是講這些的時候：「唔會搵中間人喇，當我細路仔唔識世界，又當幫師傅掹咗條刺。人窮思舊債，𠵱家基金好似BB咁，𠵱家唔講法律講參與，希望 邵爵士可以出一分力，主僕一場，係募捐唔係揼心口。」冼國林亦強調師母不是追舊債。

邵氏電影製作總監黃家禧昨日接受電話訪問時說：「唔回應，費事 好似鬧交咁越描越黑。」據悉他私下向友人表示，假如邵氏合約不公平，劉師傅就不會拍那麼多邵氏電影。至於陳百祥則表示未聽過欠花紅一事：「我都係第一次 聽，呢個係翁靜晶自己感受，我冇得代佢發言。呢個係佢嘅私人對話，總之我嘅感覺同大家一樣，最緊要係師傅嘅後事辦得安穩妥當。」
採訪：林妃
攝影：陳俊強

 倉田保昭有份扶靈。

曾志偉離開時默不作聲。

 影壇前輩徐松鶴亦有出席。

 http://hk.apple.nextmedia.com/entertainment/art/20130725/18347807

話你知：邵氏片酬糾紛不絕

資料圖片

邵逸夫於1958年成立邵氏兄弟（香港）有限公司，多年來關於片酬的糾紛報道不絕。1964年加盟邵氏的王羽，年前曾公開指邵氏合約弔詭，因無論簽幾多 戲，總是沒有足夠電影拍而無法完成片約，故離開時總欠公司錢，他當年是唯一能跟邵氏和解的演員，而劉家良、陳觀泰等便打合約官司而輸掉。2009年邵氏投 資電影《Laughing Gor之變節》，陳法拉等TVB藝員只收藝員價。去年梁家輝（圖）自爆未收到2011年賀歲片《我愛香港開心萬歲》的片酬，同片的田啟文則謂收不到自己公 價的片酬。
 http://hk.apple.nextmedia.com/entertainment/art/20130725/18348987

志偉避席劉師傅設靈
紅白相沖？

志偉曾經說，沒有劉師傅就沒有今天的曾志偉，但為何前日劉師傅設靈，志偉卻沒到？

同一晚，志偉出席了葉童在大坑舉行銀婚紀念派對，更喝到醉醺醺。難道真的學老人家說，他怕紅白相沖？

所以才避席早上劉師傅設靈？

但昨日劉師傅舉殯，志偉都很有心地出席，送別師傅最後一程。 


 http://hk.apple.nextmedia.com/entertainment/art/20130725/18347809

專家話：着錯衫坐錯位

資料圖片

劉師傅身為洪拳宗師，是反清復明的門派，惟翁靜晶與女兒所着的孝服卻是清朝旗人款式，翁靜晶昨解釋：「乜嘢年代呀，冇反清啦！亦冇聽師傅講過洪拳反清復 明，我睇劇集《甄嬛傳》宮女啲衫好靚，加埋自己構思做孝服。」至於靈室用粉紅布佈置，她說：「自己同工人車。」
 

另翁靜晶坐在靈堂中間跟師傅的徒弟 徒孫大合照，亦被指有坐錯位之嫌，殯儀業林先生昨接受本報電話訪問說：「靈堂唔畀影相，要影家屬都要坐家屬席。」殯儀業行內人亦透露，一般靈堂要影相皆以 先人靈柩或法師才可坐中間，生人要移歪避一避。