歐陽文風來港參與由本港同志教會主辦的激揚Amplify會議。李家皓攝
【本 報訊】有人形容遇上所愛，而對方又剛巧愛上了你，難度猶如中六合彩，偏偏上天就是很愛歐陽文風，給他兩次機會；前妻是女子，現任是男兒，歐陽文風在兩段婚 姻間「出櫃」，成為大馬首位出櫃名人兼基督教牧師，由自身經驗領略到同志平權與異性戀者幸福攸關，最近來港鼓勵同志出櫃，「因為社會壓力，（同性戀者）進 入咗異性戀婚姻……好似我嘅case，嘥咗一個女子九年嘅青春，呢個係冇必要嘅犧牲嚟」。
記者：張嘉雯
歐陽文風1970年生於關 丹，12歲立志當牧師，從小教會的教導令有同性戀傾向的他自覺罪孽深重，直至遇上後來的太太，他決心「改過」。歐陽文風形容前妻清秀脫俗，猶如愛情小說的 女主角，首次約會，就坦承過去的戀愛經驗，「我同佢講，我曾經同男子有過性關係，不過我知道呢個係錯嘅，我願意改過，問佢願唔願意陪我行呢啲路，陪我 改」。
前妻力撐「做番自己」
1996年，他26歲，與太太結婚，二人後來 一起到美國留學，「我哋關係其實幾好㗎，我哋每年12月31號，都會坐低傾吓，反省吓我哋嘅愛情生活、感情關係，檢討吓點樣improve個 relationship。佢唔止一次同我講，覺得我哋係好朋友、係好知己、係soulmate，但我唔似係佢丈夫」。
歐陽文風對妻子的敏銳吃了一驚，「佢話：『你唔鍾意主動抱我，唔會主動嚟kiss我』，佢咁講我就好內疚，就抱佢多啲kiss佢多啲，不過兩、三個月之後我就忘記喇，因為呢個唔係我本性嘛」。
2002年，他終於跟太太坦白，「我同佢講，我應該係gay，佢話『我知道你係』，其實佢結婚之後都知道㗎喇，只係等我開口」。當時他在大馬寫政治評論，甚有名氣，擔心未來的路，「咁我就好驚啦，應該點算呢？佢話冇話點算嘅，人生一次，咪做番自己囉」。
「佢同我講，『你識嘅男朋友，帶番嚟畀我睇，因為你唔識睇人』」。05年二人離婚，翌年他在大馬出書，剖白性傾向，前妻為他寫序，「佢祝福我，仲寫話『我同佢生活一齊九年喇，如果任何人要批評佢，我比任何人都更有資格，不過我知道佢係一個好人』」。
他感到內疚，也對爭取同志平權有了一番新感受，「呢樣嘢唔單係為咗同性戀者，係為咗異性戀者，因為好多同性戀者害怕行出嚟，因為社會壓力，進入咗異性戀婚姻，咁另一半都得唔到幸福，呢個係冇必要嘅犧牲嚟」。
他認為問題在中國人社會更嚴重，「好多中國人家庭得一個仔，一定要佢結婚，好多女子知道丈夫唔夠熱情，不過唔知道乜嘢原因，仲以為自己唔夠好、唔夠靚，自己埋怨自己，事實上根本唔係佢嘅問題；女同性戀者仲慘，丈夫講做愛，好難拒絕，好多女同性戀者話，好似俾人強姦」。
歐陽文風擁有波士頓大學神學博士學位，正在紐約市立大學修讀社會學博士，並執教社會學和性別研究，亦是紐約大都會社區教會教會（Metropolitan Community Church）牧師，他鼓勵基督徒同性戀者站出來，讓人認識同志真實一面。
歐陽文風在吉隆坡與美籍非裔伴侶舉行婚宴，遭當地政府阻撓，當地大學也不願聘他執教。被訪者提供圖片
歐陽文風與其美籍非裔伴侶在吉隆坡舉行婚宴，親友亦有出席。被訪者提供圖片
大馬官員聲言「對付」
前年美國紐約州參議院將同性婚姻合法化後，歐陽文風與伴侶在美國註冊結婚，計劃回大馬設喜宴，消息刊於大馬各大報章，有大馬官員公開表示設宴不合乎國情，聲言會「對付」他，「請客食飯係人權嚟㗎喎，我一定會請」。
http://hk.apple.nextmedia.com/news/art/20130609/18290600
火爆記者敢與老闆唱反調
歐陽文風出身新聞系，曾獲大馬全國最佳記者獎。李家皓攝
【正義至上】
神 職人員的「Collar」掩不住頸項的紋身，腰間的Armani皮帶、手腕、指間及左耳的粗獷金屬首飾，隱然挑戰人們對牧師的傳統想像。這位馬來西亞首位 出櫃神職人員出身《星洲日報》，曾獲全國最佳記者獎，獲報社五年留美獎學金，其間卻因為挑戰未來大老闆張曉卿被開除，但他堅持當年言論符合該報「正義至 上」宗旨，至今不悔。
寫文反對壟斷大馬報業
歐陽文風出身新聞系，畢業後加入《星洲日報》任記者，三年間奪多項新聞評論與報道文學獎，更奪全國最佳新聞從業員獎（中文），97年底獲《星洲日報》獎學金赴美留學五年，2001年獲明尼蘇達州立大學社會學碩士學位。
本 來他答應完成學位後回《星洲日報》工作五年，結果在2001年出了點小意外。當年《星洲日報》的老闆張曉卿聯同馬華公會收購對手《南洋商報》，企圖壟斷中 文報業，引起社會不滿，「我覺得呢個係錯，monopoly（壟斷）係對新聞自由冇好處㗎嘛，所以我咪寫文章批評囉，公司梗係好嬲啦」。
結 果有人要求他辭職，「我話都冇做錯嘢，我邊一句寫錯？你講畀我聽，如果你真係認為我錯，你咪炒我囉，我哋《星洲日報》個slogan（口號）係『正義至 上』，我就係遵守呢個slogan嚟做嘢」。老總愛才，讓他留下寫評論，同時免除他回國工作的要求，「總編輯對我係幾好㗎，事實上佢知道我係啱，我仲攞佢 哋錢，只係唔再用correspondent（特派員）呢個title（頭銜），我𠵱家喺《星洲日報》仲有column（專欄），對我嚟講係好㗎喎，我 只係做番我應該做嘅嘢」。
《蘋果》記者
http://hk.apple.nextmedia.com/news/art/20130609/18290602
反對死跟《聖經》唔講道理
【質疑主流】
「上 帝大晒呀？唔需要講道理㗎咩？咁呢個上帝同共產黨有乜嘢唔同呀？」大馬民風保守，作為首位公開出櫃名人，歐陽文風受盡壓力，有教會和他割席，不承認他的牧 師身份，他認為這些做法，徒令外界對基督徒的成見加深，「啲人咪覺得基督徒係好固執、好盟塞、好自以為是囉，其實好多牧師係同性戀，不過佢唔肯出嚟之 嘛」。
讀經要了解背景
歐陽文風質疑主流教會以《聖經》合理化很多不合理的事，「好似奴隸制，甚至乎地球係繞太陽轉，教會會話『我唔聽你講，唔理乜嘢係事實，乜嘢係科學，總之《聖經》最偉大，《聖經》講唔係就唔係，係就係』」。
擁 有神學博士學位的他，指性取向的觀念在1869年才出現，《聖經》撰寫時，社會對同性戀欠缺認識，所以讀《聖經》要了解背景，若要反對同性戀，要有道理， 「要話同性戀唔啱，咁佢錯喺邊處，唔能夠純粹因為《聖經》話唔啱，上帝大晒呀？唔需要講道理㗎咩，咁呢個上帝同共產黨有乜嘢唔同呀？」他深信上帝講求愛和 公義，不會拒絕同志。
對於同性戀者無法繁衍後代，違反自然，他說：「天主教神父唔結婚唔生仔，佛教和尚都唔生仔，咁我哋係咪應該ban（禁止）咗佢哋呢？𠵱家好多人結婚嘅原因都唔係因為生BB，而係因為相愛。」
對於教會擔心逆向歧視，他說：「咁天主教會唔畀女人做神父，有冇人告過佢呢？基督徒反對同性戀係佢宗教嘅事，最多自己唔做，你憑乜嘢攞走人哋結婚嘅權利？天主教會夠反對避孕啦，咁避孕嘅人係咪應該犯法呢？唔避生十幾個出嚟啦，呢啲咪虛偽囉，講一套做一套。」
《蘋果》記者
沒有留言:
張貼留言