食素的程沛生展示健碩身形，豪言：「食齋都可以變大隻！」 受訪者提供圖片
【本 報訊】口不沾肉，天天吃素，每星期健身兩次，24歲的阿生（程沛生）仍練得一身肌肉，擁有優美線條。阿生吃素，緣於10年前跟阿媽到街市被劏雞「嚇親」， 自此發現食素好處多多，「最明顯係腸胃好咗，皮膚靚咗，心平氣和咗」。他在 facebook成立「素食青年」群組有2,000多人加入，除有貪靚 OL，當中不乏大隻佬。 記者：盧勁業
阿生是「素食青年」群主，小時候跟媽媽到街市，見到劏雞覺得太殘忍，「每次見到啲雞俾人斬都好驚，到14歲就下定決心，我只要食一塊肉就要割自己一塊肉，我怕痛所以冇食肉，持之以恒三個月，就開始唔再想食肉」。
茹素後脂肪比例會較少
素食青年每月搞素食派對，一同分享吃素的樂趣及資訊。 張志華攝
素 食不及肉食味濃，「食素後覺得自己味覺細緻咗，亦開始鍾意返食菜」。食素令阿生體質改善，極少傷風感冒看醫生。一向有健身的他更發現，素食有助改善身體線 條，而且更易變大隻：「同食肉相比，食素喺力量、肌肉增長速度方面其實差唔多，但係脂肪比例會少咗，容易練出線條；腸道就明顯改善，清除咗啲宿便，腹肌就 容易表現出嚟！」
陽光笑容加上結實肌肉，打破一般人認為素食者多為老人家及長期病患者的形象。阿生分享指，有人擔心食素沒有足夠蛋白質強 化肌肉，其實只要睡眠充足，保持正常飲食，多吃豆類食品及多飲豆奶，已可補充身體所需，「為咗練大隻食補充劑雖然效果會快啲，但係內臟未必可以承受，累積 喺身體會傷身」。他又提醒，健身時不要偷懶只鍛煉大肌肉，而是鍛煉深層肌肉。「想練線條就要喺做重力訓練時『重量輕，次數多』，例如舉重唔好負荷太重」。
阿生愛吃素，但在港吃素並不方便，「出邊唔係咁多餐廳提供素食，成班人要為咗我一個去第二度食；去親戚屋企食飯，人哋又要特登煮碟菜，阿媽見自己個仔畀人咁多麻煩，都覺得唔好意思」。阿生通常自己準備素食，「我會去街市自己買菜，加埋糙米，好簡單就一餐」。
營養師指植物難供鐵質
註冊營養師林斐怡表示，素食對身體好，但在發育時期的年輕人最好一星期不要吃多過兩次，因有些營養在植物上較難攝取，「青少年成長需要唔少蛋白質，呢啲通常係肉類同奶類度已吸取，而女孩子月經期間需要大量鐵質，都係植物上較難攝取」。
林斐怡又提醒，市面上的素食，有時為營造出肉類口感，會油炸及加工含鈉，不太健康，選擇時應小心。
素友分享早午晚餐單
早餐：
愛心黑芝麻麪包
午餐：
素饅魚排、麥香紅茶
晚飯：
１）蓮藕綠豆腰果湯
２）薑炒西蘭花
３）金針雲耳杞子蒸猴頭菇
４）自家豆腐
http://hk.apple.nextmedia.com/news/art/20120520/16352921
網友聚會交換烹調心得
程沛生對自己的優美肌肉線條十分自豪。 受訪者提供圖片
阿生成立的「素食青年」群組，每月聚會一次，開素食派對交換購買食材及烹調心得，「網友會將提供素食嘅餐廳食評，同埋素食食譜、相片等資訊上載上網」。
佛教徒 Ophelia說，食素後身體變好。
Stanley說，食素是不希望動物受苦。
昨日他們在荔枝角公園舉行素食野餐，各人帶備一道素菜，有素春卷、芒果布甸、糙米飯等，十分豐富。當中有人為健康、為貪靚、為環保，也有為追求公義。
三 年前信佛開始食素的 Ophelia笑言，食素後「健康咗，病假請少咗，人都開心咗」。 Stanley則因不忍動物被不人道對待，十年前開始茹素，他以牛奶為例，生產過程並不人道：「大部份乳牛都係被困喺細小嘅空間，再被人用激素令佢哋假懷 孕嚟產奶，乳房腫到掂到地下，好殘忍。」
香芒布甸
青豆
素春卷
望年輕人多菜少肉
香港素食者少，素食的年輕人更少。阿生希望一起推動，縱然未必成為全素食者，但總能在日常生活中做到多菜少肉，吃得更健康。
《蘋果》記者
沒有留言:
張貼留言